Góðvild, ábyrgð, tillitsemi og vellíðan einkennir skólastarfið í Hamraskóla. Allir fá tækifæri til að nýta hæfileika sína sem best á eigin forsendum og öðlast þekkingu, visku og hæfni sem kemur að gagni í lífsins ferðalagi. Skólinn vinnur í anda leiðsagnarnáms þar sem vaxandi hugafar er ríkjandi og mistök skapa tækifæri til frekari náms. Áhersla er lögð á markvissa uppbyggingu kennslustundar þar sem árangur er skilgreindur. Nemendur fá tækifæri til að ræða saman um námið og fá reglulega endurgjöf sem dregur fram það sem má bæta.