Kór Hamraskóla mun syngja í Hörpuhorni sunnudaginn 1. maí kl. 14:00. Er ekki upplagt að leggja leið sína í bæinn á verkalýðsdaginn og hlusta á þennan frábæra kór syngja nokkur lög undir stjórn Auðar Guðjohnsen? https://www.harpa.is/kor-hamraskola

Nemendur í 4. bekk hafa verið að vinna fræðibækur fyrir lítil börn. Í bókunum má finna ýmsan fróðleik og eru bæði fallega og vel unnar. Greinilegt er að metnaður hefur verið lagður í þær af þessum flottu og vandvirku nemendum fjórða bekkjar. Myndir í möppu á myndasvæði.

Föstudaginn 8. apríl, daginn fyrir páskafrí, bauð 5. bekkur 1. bekk í heimsókn og spilaði við krakkana. Þetta lukkaðist mjög vel og fannst nemendum gaman að þessu uppbroti. Myndir frá spiladeginum má sjá í myndaalbúmi.

Í fyrsta bekk eru nemendur að vinna í hæfniviðmiðinu að útskýra á einfaldan hátt byggingu og starfsemi mannslíkamans. Þeir hafa teiknað beinagrind og innri líffæri og svo gerðu þeir líkama í fullri stærð þ.e. þeirra stærð. Verkefnið gengur mjög vel og allir eru mjög virkir í vinnu og áhugasamir. Fleiri myndir eru á heimasíðu.

Hamraskóli lenti í 3. sæti í Lífshlaupskeppni grunnskóla 2022. Við óskum nemendum til hamingju með flottan árangur. Tveir fulltrúar okkar mættu í Íþróttamiðstöðina í Laugardal ásamt íþróttakennaranum okkar og tóku við verðlaunaplatta.

Íslenskuverðlaunum unga fólksins i bókmenntaborginni Reykjavík voru afhent í Hörpu í gær. Hamraskóli tilnefndi að þessu sinni þær Áróru Mjöll í 3. bekk fyrir yngra stigið og Árbjörtu Vertarrós í 5. bekk fyirr miðstigið. Við óskum þeim hjartanlega til hamingju með íslenskuverðlaunin. Hér má sjá hluta af rökstuðningi fyrir tilnefningunni.   Áróra Mjöll. Fyrir að…

Fulltrúi foreldrafélagsins kom færandi hendi og færði skólanum góða gjöf í tilefni þess að skólinn er 30 ára á þessu skólaári. Með hækkandi sól og rýmri sóttvarnarreglum munum við gera okkur glaðan dag í tilefni afmælisins. Foreldrafélagið færði okkur magnara sem eykur möguleika okkar á að halda ýmsa viðburði bæði innanhúss og ekki síst utandyra.…