Foreldrafélag Hamraskóla

Almennar upplýsingar

Foreldrafélag Hamraskóla er starfrækt við skólann og eru allir foreldrar og forráðamenn nemenda við Hamraskóla félagar í foreldrafélaginu. Félagið hefur aðstöðu í skólanum til fundahalda og annarrar starfsemi og aflar fjár með innheimtu félagsgjalda. Hlutverk foreldrafélags er að styðja skólastarfið, stuðla að velferð nemenda og efla tengsl heimila og skóla.
Í lögum um grunnskóla frá árinu 2008 er lögð áhersla á velferð barna og virkari þátttöku þeirra og foreldra í skólastarfi. Foreldrafélag Hamraskóla hefur hag nemenda skólans ávallt að leiðarljósi og leggur áherslu á öflugt og gott samstarf meðal foreldra og starfsfólks skólans. Bekkjarfulltrúar eru kosnir að hausti úr hópi foreldra í hverjum bekk. Hlutverk bekkjarfulltrúa er fyrst og fremst að vera leiðtogar í foreldrahópi viðkomandi bekkjar, stuðla að auknu og ánægjulegu samstarfi meðal foreldra, umsjónarkennara og nemenda. Þeir eru jafnframt tengiliðir bekkjarins við stjórn foreldrafélags og eiga sæti í fulltrúaráði félagsins.

 

Handbók foreldrafélaga grunnskóla

Heimili og skóli hafa gefið út handbækur fyrir fulltrúa foreldra á öllum skólastigum. Í þeim er lýst starfi foreldrafélaga og foreldra- og skólaráða. 

 

Fréttir úr starfi

Nordplusverkefni

Hamraskóli tekur þátt í Nordplusverkefni sem nefnist Wonders in the country of science ásamt  skólum í fjórum löndum, Lettlandi, Danmörku, Litháen og Noregi. Verkefnið snýst um að auka skilning nemenda á tækni og vísindum.  Við höfum fengið styrk til eins árs og munu þrír kennarar fara í skólaheimsóknir til þriggja samstarfsskóla.  Það eru fimmti og sjöundi bekkir Hamraskóla sem taka þátt.  Fyrsta verkenfið var að velja lógó og nú eru nemendur að framkvæma ýmsar tilraunir í tengslum við viðfangsefnið.

Nánar